هذه خاطرة جميلة اوددت ان انقلها اليكم
ضاقت وساع الفيافي، والوعد متن (السفينه)
للطريق اللي دعاني بعد امان الله ...وامانه
لا تناديني.. وصوني قلبك الله لا يهينه
لايراهن في رجوعي..لجل مايخسر رهانه
ليه ماارحل عن غرامك..بعد ماضقت الغبينه؟
اذكري لي شي واحديستحق اقعد عشانه
قلب ماحن لوصالي .. ماني بحاجه حنينه..
واشهدانه مايعزر بالرفيع الا هوانه
الهوى الغدار..حدالله ما بيني وبينه....
والرجل لا خير فيه ان ماحفظ قدره وصانه
واحد مثلي ليا من حدته عوجا سنينه..
ماشكا لاقرب ابن ادم لو هو اغلى من اخوانه
يوم قلبي ما عصاك، وما قدرتي تذبحينه..
ليه خنتي فيه وانتي معه من نفس الديانة؟
كان ذبحي بيدك ارحم ..لي من اللي تفعلينه..
وان طلبتك تذبحيني.. ماذبحتيني.. لعانة
كل جرح من جروحي:تذكرينه.. تنكرينه..
كن مالك في نزيفه(يد)خانت بالامانة..
ينزف الخافق تواضع اين لطختي جبينه!!
والا انا ماكنت ابيها توصل لحد الاهانة..
قلت: (من باب الميانة)صاحبك وتعذبينه..
ارخي معاي شوي.. ماصارت (ميانة)
طعت عقلك يوم قيل :ان العقل في بنت زينه..
لكن الشرهة علي اللي كنت احسب انك تكانة
من بعد ماكنتي انتي في حشاي اغلى سجينة..
باوعدك..باطلق سراحك،واتهمني بالادنة..
وين رايح..؟. لاي درب مايرجع للمدينه .......
ليه رايح..؟.لان قلبك ماترك قلبي وشانه
كيف ابا انسى.؟. ربي اللي ملهم القلب السكينة..
مثل ماعانه بقرك..لانوى فراقك عانه
كان قاسي يجرح اطراف السكاكين السنية...
مايطيح.وبنت مثلك حبها هزت كيانة.
والا انا خابر خفوقي ما يمد الا الثمينة ...
وان بغى يغيض الثريا قعد القمرا وزانه ..
مزعل لجلك هنوف رجت عقول رزينه ..
وان تهادت بالطريق الجرهدي .. تزهر جنانه .
جادل كن ( الجمال ) ان شافها.. كتف يدينه ..
و(القمر) لو شاورت له.. ينزح وتقعد مكانه .
كانت اول من تحكم في فروع الياسمينه...
وان تعد تهن تثنن.. خيزرانة .. خيزرانه.
بعتها لاجلك، وصات لاصغر اطرافك رهينه..
والاهي لفتة هدبها تغمرك ثقل ورزانة
والخفوق اللي تغذى من معزة والدينه ..
مشكلته انه تعلق في زمان ماهو زمانه.
كل ما زادت جراحه، واكتشف غلطة ضنينه..
صدقيه ان قال : مابه شخص يستاهل حنانه.
يوم نادي يافلانة!!. مارضيتي تسمعينه ...
لين صوت: يافلانة،يافلانة،يافلانة،..
كنت اشوفك زعفرانه تقرض الورد وتدينه..
يمكن اني ماقطفتك،،بس اشوفك زعفرانه.
كنت اهاب البعد عنك..واطلبك لاتذكرينه ..
كان خوف من الفراق..وخطوة الفرقا جبانه.
ما اقنعت ان (الخيانة)للرجل تلوي يمينه..
لين ماربي بعثك،وذقت من طعم (الخيانة).
اسمحي لي .. مابقى فيني مكان تطعنينه.
واقبلي من جوف قلبي كل عطفه.. وامتنانه.
والله الله في عذابك.. بتركك عينك بيعينه..
دلليه،ولايرده عن شقاك الا لسانه..
والا انا قررت اسافر ، امتطي ظهر السفينة ..
(لان ما به شي واحد يستحق اقعد عشانه )
