قصيده لابن فطيس &^وشقومك....

وش قومك .. وش فيك .. وإلا علامك
قد لك معي كم يوم و أعلومك أعلوم


وأنا أدري أني يآ مرآمي مرآمك
لو تقعد الدنيآ و لآ تقدر تقوم


عطيتني قلب !! و بخلت بسلآمك
وش فآيدة حبك و أنآ منك محروم


لآ عاد تزعل و أحييني ببتسآمك
ضحكك يزيل أوجاع و جروح و هموم


و كلآم عينك مآ يهمش كلآمك
كلآم عينك كوم و حكاك لي كوم


لآغبت عن عيني رح انشد غرآمك
تلقاك في قلبي مقلط و محشوم


بعدين يآ أغلى الناس وفر ملآمك
ترى الغلآ يجفل على كثرة اللوم


دونك خفوقي ممتلي من سهامك
و لآ شكيتك جرحه و قلة النوم


القلب مثل الطير .. وفر حمامك
إن افلس اقفى لسماء يقلب الحوم


لكن قبل لآ انسى بنبهك دآمك
مسلم و باقي كم شهر يدخل الصوم


لآ يذبح الموضوع قل اهتمامك
طعني وشف لك شيخ يفتي لك اليوم


مآ ظنتي يآ زين يقبل صيآمك
ريقكك عسل .. علمني شلون بتصوم
ريقكك عسل .. علمني شلون بتصوم؟؟

مشكوره اخوي على الابيات
تقبلي مروري
رهف الغلا